TREZ MEZES EN GERRA! (25)

Muy buenos dias, en kantidad ke puede ser!!!

Pasamoz diaz tristes, sin peryer la esperansa; de salir a luz.

Pensando, ke noventa dias ke estamoz en el sirkolo, ke no vemoz la salida.

Noventa dias; los soldados ke no ven kaza, kama repozada. Padres ke no ven a sus kreaturas. Kreaturas ke no saven, por ke razon sus padres, no tornan a kaza.

Noventa dias; ke la djente ke fueron aleshados de sus moradas; estan arastados, por aki o por aya.

Famiyas ke biven kon la amargura de perier a suz keridos en gerra.

Famiyas ke deven de kontunear sus vidas kon un firido de gerra en kaza.

Famiyas ke peryeron lugar de lavoro.

Famias ke deven de sufriir kon la trauma de la gerra.

Bushkando piyadades de parte de el governo; ke tadran a vinir.

Esperansa a sintir una desizion; ke kavzara la fin de lagerra.

Ansi ke estamoz orando a Dios; de ayegar a los dias klaros, demandamos por pasensia i fuersa a pueder rezistir; a las famias ke peryeron a sus keridos. Rogando salud a los firidos i desperando ke tornaran todos los arrevatados.

Vos aguro a ser saludozos i alegres kon todos djustos.

AMEZURAR DOZ VEZES, ANTES DE KORTAR.

Muy buenos dias keridos. Esto seguro ke echatesh tino, alaz vezes me asento a eskrivir, i siertas vezes; voz prezento; un filmiko de las animasiones ke preparo, en la komputadora. Este estado, se ata muy bien kon el sujetto de oy.

Para aparejar; sera un filmiko o sino eskrivir un artikolo; nesesita: penseryo, programa, aksion, kontrolar, korijar i kontrolar una otra vez.

Un akto enpesado sin programa i penseryo; jeneralmente; keda en medio de la pruduksion. La programa; moz guida a la punta ke pensamoz a ayegar.

Si no tenemoz una programa en mano, i no savemoz komo kompletar el akto; pekado a el tiempo, el esforso, la kanserya i los gastes ke se aze.

El shastre; antes ke todo, demanda a su kliente kualo es su dezeo.

Sigun la demanda; eskoje la ropa, toma las mezuras. Estira la ropa ensima la meza i mezura una otra vez, antes ke de el korte kon la tijera…

No se; si este estado; vos kavzara una semeja para komparar, kon el estado nuestro de oy. Bivyendo la gerra ke moz kema, kada diya de nuevo el korason. Sera kon los mansevoz ke kayen i deshan a sus famiyas kon la tristeza i amargura, o kon loz arrevatados; ke no savemoz nada sovre el estado de eyos. Anke, Kon los firidos; ke tienen de sufriyir kon sus famiyas toda la vida. Kon todo esto; por la ora, no ay uno ke mos dara una esperansa para el futuro.

Sludozos i alegres kon todos djuntos.

 Albert Anah

(A kontunear)

ludozos todos. (A kontunear)

Albert ANAH

Apretar al boton para ver todos los eskritos