En el 16 Septembre 2024 en la ofisina del prezidente de la Universitad Bar Ilan, el prof.Arie Zaban, se afirmo el akordo de kolaborasyon garantizando a ke el ‘Instituto Salti para los estudyos de ladino’, fondado en 2003 pueda kontinuar su lavoro de dezvelupo fina el anyo 2036.
Durante la seduta el prof. Zaban deklaro kon insistensya ke kuando se le ofrese proyektos de 2 anyos no los topa importantes, ma por kontra el proyekto de 10 anyos del Instituto Salti me empresyona muncho i por esto el apoyo muestro kontinuara.
Reprezentando la Fundasyon SALTI los sinyores Selim Salti, Hayim Salti i Moni Salti prezentes en la seduta afirmaron ke la Fundasyon en los 12 anyos vinideros va donar 5.2 milyones de shekel al Instituto. Ademas se afirmo ke la famiya Salti konsiente de sus responsabilitades kontinuara a enkangarse de eyas.
Es importante de propajar i de enrikeser el Ladino i su kultura sefaradiya en Israel i en el mundo. Por esta razón El Instituto Salti esta avierto a resivir investigatores del mundo entero para poder ayudar a la propagasyon del idioma.
El prezidente oguro la kontinuasyon de la grande reushita del Instituto i ke no mankara nunka de dar su apoyo personal.
留言