Muy buenos diyas keridos.
Kon dezeyo de sintir todo bueno, oy vengo kon una propozision.
Salyendo a kamino de el partajamiento en la pajina de los Ladinadores esta semana; Pensi de provar a aranjar enkontros, ke mos ayudara a konoser; a los avlantes Ladino.
Siendo ke el zoom, sera un remedio, para enkontros semejantes, lo vamos a uzar para realizar el enkontro.
” Vini konoseremos a los ke avlan el Ladino.” sera el nombre de el enkontro.
La regla sera ansi.
1- Palavras de avyertura de la programa, akompanyado kon muzika.
2- Sinko partisipantes, se prezentaran a si. Kada uno tres puntos.
3- El envitado de el mez, ke kontara sovre un pasaje- un kuento o un kante dyez puntos.
4- Enrikesemoz muestro vokabilario. Kon el kerido Aldo Sevi. Dyez puntos.
5-. Saludos i Final.
La programa sera planifikada para 40 puntos i se repetera una ves, en kada mez.
Kon intension de pueder aparejar el projekto; nesesito vuestro apuyo. Las vuestras repuestas ke darash, mos alumbrara el kamino i mos ayudara, para pueder aparejar un projekto ke vos gustara. Ansi ke vos rogo de pizar a el atamiento ke egziste abasho. El atamiento vos avre ventana de Google, si pizash sovre la ventana; se aparesera el anket. Notarash i kompletarash El anket (Kuestinario) sigun las demandas. I ala fin pizar a el boton: SUBMIT
Aki el atamiyento: https://docs.google.com/forms/d/e/1FAIpQLScpwGfOJzXDM2zGEMCwA5GRKlmfyHjVQaI1FENvMySAtPzGcQ/viewform?usp=sharing
Saludozos todos
Albert ANAH
(a kontunear)
Comments