El haham Pinhas de Koretz, maestro del muviemento hassidik dize:” Todas las alegriyas vienen del paradiso, mizmo una simpla chakaika, basta ke seya kontada kon un esprito de gusto i de plazer.”
***
LA PYERNA HAZINA
Djoha i Mordu están en el ospital, las kamas una al lado de la otra, todos los dos sufren de un siatik dezgrasyado. El masor viene para azer un masaje en la pyerna ke les tuye. Despues ke se va Mordu grita de dolor ma por kontra Djoha keda kalmo. Mordu se enkanta i dize: “ komo rezistes a la dolor tanto fuerte?” Djoha responde: “Te parese ke so bovo ke le va dar mi pyerna hazina!”
***
PERYER EL ESHUENGO
En una noche de dezvelo Djoha sale a la kaye i se mete a kaminar. Se aserka de el un polis i le pregunta: “ Ke azes a esta ora de la noche en la kaye?” Djoha responde:” Peryi mi eshuenyo esto dezvelado, miro de toparlo!”
***
URJENSYA
Djoha psikanalisto renkontra en la kaye el divan sovre su espalda a Malkuna ke le pregunta kon grande sopreza: “ Ande vas kon este grande divan?” Djoha dize:” Ay urjensya devo koryer!”
***
VIJITA DE DOKTOR
Djoha ,eskaso, devia de ir ande un doktor spesialisto de urolojia muy renomado del ospital Hillel Yafe. En su klinika la sekreterya lo informa ke por una primera konsultasyon la vizita kosta 1200 shekeles, ma por las vezes siguentes se paga solo la mita. Djoha se aze del mordehay i mizmo ke renkontra por la primera ves el doktor kon una sonriza le dize:” Ke tal doktor, komo estas dezde el tiempo ke no mos vemos, vine demuevo?” El profesor lo oskulta, le pregunta sertas kestyones, le toma los 600 shekeles i en riendo le dize:” Nada de muevo kontinua el mizmo tratamiento de la ultima ves!”
***
EL CHEK
El doktor kon una muy grande arravia telefona a Djoha: “ Sinyor Djoha el chek ke me dates 4 diyas antes torno atrás!” Djoha le responde kon kalmo i pasiensa: “ Mis romatizmos i eyos tornaron atrás kerido doktor!”
Comentarios