EN KAYENDO
En Nueva York en alimpiando los vidros de un gratsyel una mansevika ermozika se arezvala i se kaye del 61 etaj. En kayendose a sus gritos los de mas abasho salen a la ventana i una mano le aferra su mano i un forsudo le dize:” Sinyora tienes mazal, se entiende ke esta noche i yo va ser mazalozo.” La povretika mira de darle a entender ke eya es onesta i ke no será justo de pasar enchuntos la noche. Enriva de esto el gibor la solta en el ayre en dizyendole “Si es ansi muerete kon tu onestedad. Un poko maz abasho una otra mano aferra la mano de la chika i este sigundo gibor le pregunta “ Esta noche estamos enjuntos?” La dezmazalada medya dezmayada le dize:” No” sovre esto el gibor le dize:” Tu saves, komo keres” i le solta la mano. Al 38en etaj Djoha espande sus 2 brasos i la aferra kon difikulta , sovre esto la chika le dize: Te lo djuro esta noche vamos a pasarla enjuntos!” Djoha kon deskontentes se inyerva en dizyendole:”” Putana no te averguensas” i la decha kayer.
***
ENBIVDAR
Djoha estirado en la kama sufriyendo de kanser se pensó ke le kedo poko de bivir. A los amigos ke vinian todos los diyas a vijitarlo el les diziya ‘me ize AIDS’. A la fin Merkada no rezistyo i le dicho: Djoha dime lo justo, ami me dizes ke tienes un kanser a la djente dizes ke te izites AIDS , bare antes de murir no me enganies dime la verda.” Djoha le responde i le dize:” Mira presiada esto mirando de protejarte después ke me muri, porke dingunos no van a vinir al lado de ti savyendo ke yo tenia AIDS.
***
AZERSE EL DE MORDEHAY
Los polises de Ashdod arestan una tadre a Djoha medyo borracho i se lo yevan delantre del komiser. El komiser le pregunta “Sinyor ande moras? ”,Djoha le responde “ Ande mi ermano”, el komiser “ Bueno dime onde mora tu ermano?” Djoha le responde “ Ande mi padre”. Sovre esto el komiser se inyerva i le dize en gritando” Ande mora tu padre? “ Djoha enkantado le responde “ Karo komiser me parese ke no mos dimos a entender, todas moramos enjuntos..!!”
***
KERES TOPARLA
Malkuna mujer de Hasday se hue a vijitar a su parientes en Raanana i 3 dias después el marido se rendyo kuento ke su mujer se desparesyo. Presto koryo verso Djoha para ke lo ayude. Djoha lo tomo i se hueron en juntos a la polisia de Batyam. Adresandose al komiser Djoha dyo a entender el kavzo porke Hasday siendo demazyado kekeme no le podía avlar. El komiser pregunto onde la mujer se peryo, si sufre de dezrepozo de meyoyo i mas. Desdpues ke resivyo las repuestas le demando a Hasday si tiene una foto de su mujer. Hasday kito de su juzdan la foto un poko fanada de eya i se la dyo… El komiser miro la foto de largo i se abolto a Hasday i le dicho: “ Es ke estas seryozo ke keres ke la topemos?”
***
SE SAVE
Djoha no tenia otro echo ke de ir detrás las mujeres. En vijita en Estambol uno de sus amigos de chikes le pregunta “ Ke diferensya ay entre una mujer kazada i una bivda? “ Djoha kon sonrisa le responde: “ Ke sepas ke la bivda save onde esta su marido!”
Comments