KERIDOS TODOS,
Es kon grande alegría i satisfaksyon ke vamos a fiestar en serka el 20en aniversario del establisimiento del Sentro/Instituto Salti. Durante todo este tiempo miles de estudiantes frekuentaron esta institusyon unika en el mundo. Maestros i doktores fueron formados los kualos ambezan el ladino(djudeo-espanyol) la lingua de nuestros antepasados kon grande ardor. Livros, publikasyones i artikolos akademikos fueron i son publikadas regularamente por el Instituto. Durante las vakansas de este anyo el Instituto establisido al seno de la fakulta de los Estudyos Djudyos de la Universidad Bar Ilan será totalmente renovado kon muncho mas espasyo. Las klasas i la administrasyon serán reorganizadas kon konseptos modernos de ensenyamento. Ansi la kapachidad de resivir sienes de studentes será posivle.
Los kadros de los enseñyantes akademikos komo los de la administrasyon pujaran sovre el demenster del anyo vinidero. A esta okazyon me ago un dover de rengrasyar a la direksyon jeneral de la Universidad en la persona de su prezidente el profesor Arie Zaban grande amigo i suporter del Instituto. Ademas felisito kon joya la nominasyon de muestro direktor el profesor Shmuel Refael Vivante al posto de dekano de la fakultad de la kuala dependemos. Oguro a todos los miembros del Instituto reuchita buena en esperando de verlo kada anyo kon mas grande reuchita.
Selim Yeushua Salti
Fondador.
Comments