Artikolo publikado sovre Margalit Matitiahu i sus poemas en Salamanca Espania Octobre 2020
El Jurnal ‘kreasion en salamanca’ tiene el previlegio de publikar los poemas de Margalit Matitiahu (Tel Aviv 1935) ija de padres ke nasieron en la díaspoa Greiga i ke sus leshanos antepasados fueron expulsados de Leon en el anio 1492 .
Eya estudio literatura hebrea i filolozofia en la universita de Bar Ilan. Fue la derejidora de la revista “Entrelinyas” i la Sekretaria Jenerala de la Union de Eskritores en Israel (1986-2008)
Entre los livros (18) ke publiko en se enkontran estos en Judeo Espaniol:
“Kurtijo Kemado” (1987) “Alegrika” (1992) “Matriz de luz” (1997 “Vela de la luz” (1997) Kamino de tormento” (2000) “Bozes en la shara” (2001) “kanton de solombra” (2001) “Depertar el selensio” (2004) Vagabondo eternel” ( 2005) “Luz kortada” (2015) .
Resivio Premios sovre su poesía:
1. “Ateneo de Jaen” (1996) 2. “Premio del primer ministro” Israel, por su kreasion en Hebreo (1999) (es el grande premio en Israel). Ma su mas grande premio es posivle ke fue en el anio 2003 kuando le dedikaron una plasa a su nombre en Puente Kastro ( Leon Espania) de onde son los raizes de sus padres antepasados ke fueron ekpulsados antes kinientos anios.
Estos poemas eskritos en Judeo Espaniol se van a meldar durante el enkontro XXIII de poetas Iberoamerikanos organizado por la fondasion ‘Salamanca sivdad de cultura’ ke se selebrara en Salamanca del 14 al 20 de Oktobre 2020, dedikado a Jose Maria Gabriel y Galan . Avran aktos Prensensiales y virtuales.
La lektura de la poeta Israeli será una sesión online i los poemas serán publikados en la segunda antología del enkontro titulada “Mundo aki”. Sera kordinada por el poeta Peruano- Salamantino Alfredo Perez Alencard, direktor de estos enkontros de kuando fue la primera edision.
Alfonso Fernández Mañueco con la Huésped Distinguida de Salamanca, Margalit Matitiahu (Foto de Jacqueline Alencar) Crear en Salamanca