En farmasía
Un ombre entra en farmasía i demanda una milizina para durmir. El farmasista le demanda: "Es para ti?" "No," le dize el ombre, "es para mi suegra." "Porké, "le dize el farmasista, "no durme la noche?" "La noche durme muy bien. Yo se la vo dar el día ke mos kita del mundo!!"
Kontado por MATILDA KOEN-SARANO – 2017
Amor "sensero"
Una mujer de 80 anyos fue aprezada por aver rovado una koza en una butika. Kuando fue yevada delandre del djuzgador, éste le demandó: "Kualo rovates?" Eya le respondió: "Un kutí de shiftilís en sirop." El djuzgador le demandó: "Deké izites esto?" i eya disho: "Tinía ambre." Entonses el djuzgador le demandó: "Kuantos shiftilís avían en el kutí?" "Sesh." disho la mujer. EL djuzgador disho entonses: "Alora yo te kondemno a sesh días en prezión." Antes ke eskapara el djuzgar sus plavras sovre la punisión, el marido de la mujer se alevantó i demandó si pudía dizir alguna koza. El djuzgador le demadó: "Kualo tienes de dizir?" El marido disho: "Eya rovó i un kutí de pizelia..."
Kontado por LILI ATTAR – 2018 Traduizido i redaktado or MATILDA KOEN-SARANO