LA ASSOSIASYON DE LOS ORIJINARYOS DE TURKIYA EN ISRAEL
(ITAHDUT YOTSEI TURKIYA BEISRAEL)
Breve Historia
• Se save ke el Imperio Otomano, el período del Mandato Britániko , los judíos de Turkiya vinieron a estabilisirsen Eretz Israel. En 1930, famiyas konocidas komo Dekalo, Benjamen y Peres inmigraron al país.
• En 1937, se establesyo una asosiasión yamada "Irgun Ole Turkiya" en Tel Aviv basho la presidensya de Hanri Peres. El objektivo era ayudar a los judíos de Turkiya ke viniyan a bivir en Palestina. Esta organizasyon es la base de la Unión de los Turkanos.
El 1 de agosto de 1960, el Avokato Yehuda Adiri fundó lo ke se yama asta oy la "Ithahdut Yotsei Turkiya Beisrael" (Union de los orijinaryos de Turkiya en Israel). Kon otros fundadores komo el Ing.Heinz Zıffer, el architecto Faik Mutlu, miembro y maestro del Kibbutz HaGoshrim Maks Menahem Baruh y David Pardo. Se anunsyo oficialmente al público en Haaretz, el 17 de noviembre de 1960. Ke una tala asosiasyon fue fundada.
• Hans Tsifer mos konta una memoria sovre la demanda de formar esta asosiasyon Kuando nuestra demanda a la sohnut para fundar la Itahdut Yotsei Turkiya fue vista por Moshe Sharet, en akel timpo Ministro de los Ecgos Eksteriores, y presidente de la Sohnut haYehudit. El mos dize kon un Turko muy korrekto y apropriado ¿ "¿Dónde estavash keridos a-sivdadinos miyos asta oy? ¿Por qué no oyimos nada sobre vozotros? " ' Ya se vozotros azesh todo en silensyo. Ma no es sufisyente solo azer. También es nesesario mostrar lo que izites! ".
• La asociación empeso a lavorar en la kaza de Heinz Ziffer basho la presidencia del avoksto Yehuda Adiri. Más tarde, kontinuo sus aktividades en el local " Ole Turkiya" en Tel Aviv, en la kaye Rehov Pinsker .
• El 16 de febrero de 1966, la Asosiasyon de los Turkanos merko una propiedad en Tel Aviv, en la kaye Rarav Kuk.
• Después del Av.Yehuda Adiri, los presidentes de la Asosyasyon (Itahdut) son respektivamente Sabetay Leon, Ishak Misistrano y el Ing.. Hayim Natan ke fueron elijiidos
• Munchas personas experimentadas ke lavoraron en la komunidad judía entre los ke vinieron de Turkiya en1980 se adjuntaron a la Assosiasyon. Por ekzemplo, Yusuf Pepo Zara era presidente de la Nnei Brit- FKD en Turkiy. Malgrado ke Sr. Zara resivyo la majoria de los votos el no kijo la presidensiya, y fue Sr. Marko Menahem Eskenazi el presidente en el anyo 1983.
• En estos anyos se fusionaron la Aliya de 1970 y de 1980. Los imigrantes de Turkiya en Israel aprofundieron sus actividades sosyalas y kulturalas, seyga en el kuadro de la Itahdut’ seyga paralelamente. Yusuf Pepo Zara izo revizyones en la Bnei Brit lokal. Se estableció basho la direksion y presidensia de Selim Amado la Logia Nur. Kon los primeros pasos dados por Aron Ender , Moiz Beraze y Yakob Barokas, se kreo el klub Turkano –Sentro Kultural de Hertzlia Cultural ke fueron extremamente efektivos. En este mezmo Sentro tuvo lugar El Seminario “ Sefarad”, organizado por Moshe Shaul en el lokal de Herzliya al nombre de la Itahdut, en el kual participaron los reprezentantes Sefaradis de los países balkanikos . . La Asociación "Morit" fue fundada por el Dr.Gad Nassi y fue especialmente aktiva en areas kulturales. La Asosiasyon Morit organizo el "Congreso Internasyonal del Judaismo de Turkiya" en el kual partisiparon delegados de 25 países, El congreso tuvo lugar en 1992, en kommemorasyon de los 500 anyos de la ekspulsion de Espania, Presidente del komite de organizasyon fue el 5.en presidente del Estado de israelí, Ishak Navon.
• Este ayre favorable para la Asosiasyon de los orijinarios de Turkiya en Israel (Türkiyeliler B’rl’g’ en Turko) influyo en las eleksiones para la direksion de la Assosiasyon en Mayo de 1986, a las kualos participaron 700 delegados y fueron elijidos el avokato Yakup Barokas komo presidente de la Assosiasyon, dr.Leon Koen Presidente del Komite de konsejeros (Moatsa). Fueron establesidos grupos de la Assosiasyon en diversas lokalidades : Bat Yam- Nesim Aciman, Sara Avigdor- Rishon Letzion y Jak Behmoras fueron kagados de la la sukrsala de Ramat Aviv. En este período, se empeso a publikar el "Dostluk", que continuará publikandose asta 1991. La asociación se izo en miembro de la "Federasyon Mundiala Sepharadi". Un proyecto para establecer un Beit Avot (Kaza de aedados) fue preparado por el Avokato Elyezer Meşulam, pero no tuvo sukseso.
• En los anios siguientes, Sami Day y Isak Kohen fueron elijidos para la presidensya de la Assosiasyon Te los Turkanos. Fue fublikado durante la prezidensia de İsak Kohen el semanal “Haber” donde el Avokato Yakup Barokas era el chefe redaktor, Isak Kohen siempre dyo su apoyo y eskrivyo, participaron munhos a eksprimir sus ideas. Ma el “Haber” kontinuo solo un anyo y desho de publikarse por razones ekonomikas.
• En la Asamblea General del 4 Avril de 1992 y asistieron 35 delegados, Isak Kohen termino su presidensya y Nisso Kaneti vino en su lugar. Selim Amado fue el presidente del Komite de konsejeros (Moatsa) en lugar de Sami Uziyel.
• En este período, la asosiasyon kontinuo a distribuir otorgando bekas (burses) a estudiantes orijinaryos de Turkiya.. Partisipo a los eventos kommemorativos en Turkiya a la okazyon de los 500 anyos de la ekspulsion en 1992, ansi ke al Kongreso Sefaradí Mundial. En 1997, Bat-Yam y Antalya firmaron un acuerdo de sivdades ermanas.
• Niso Kaneti fue nombrado para la presidensya por dos períodos. Durante las vijitas a Israel del preidente Turko Suleyman Demirel y la primer ministra Tansu Ciller , Nisso kaneti y el Presidente de la comunidad de Turkiya Bension Pinto estuvieron en la mezma meza de protokol kon los distinguidos politikos de Turkiya, lo ke mostra ke la importancia de la Assosiasyon de Turkanos de Israel es bien rekonosida..
En las eleksiones de la Asamblea General de 1998 Moreno Margunato tomo la funksion de presidente de la Assosiasion. Haim Nahshon se izo presidente del Komite de konsejeros (Moatsa). En el segundo período de la presidensya de Moreno Margunato, Avram Yafe fue elegido a enkavesar la Moatsa.
• En el mes de Augusto 1999 uvo un terremoto (raash) en Turkiya, en la sivdad de Adapazari . En segyida, La Assosiasyon de Turkanos de Israel, en kollavorasyon kon la Joint ayudo a las viktimas de este terremoto ke perdieron sus kazas y mesmo vidas , vistimienta, kamas, medikamentos y kon donasyones rekojidas se pudo fraguar una eskola primaria en Adapazari al nombre del Kolonel Refik. Despues de estos servisyos, el Ministerio del Exterior del Governo Turko enkavesado por el Ministro Ismail Cem rekompenso a la Asociación kon el "Premio al Servisyo Distinguido" kon una medalya.
• Durante la prezidensya de Moreno Margunato tuvieron lugar cuatro manifestasyones teatralas . Junto con la Asociación Dostluk de los jóvenes Judios de Istanbul, el muzikal "Kula 1930 Le" fue jugado en Bat Yam y Tel Aviv. El Jugo fue aplaudido por dos mil personas . Durante la presidensya de Moreno Margunato fueron echas munchas actividades ke kontribuaron a las buenas relasyones y krearon una tendencia positiva entre Israel y Turkiya .
• En las eleksyones de Disiembre 2002 fueron elijidos komo presidente Momo Uzsinay , y Sami Baruch fue elejido komo presidente de la Moatsa (komite de konsejeros). Momo Uzsinay okupo la presidensya por tres períodos. Zzzen lla segunda kadensia de Momo Uzsinay ,Selim Salti fue elejido para la presidencia de la Moatsa.
El Avokato Semaya Halevy fue, en kada período, durante muchos anyos el konsejero juridiko de la Assosyasyon de los Orijinarios de Turkiya en Israel, ke lo izo por benevolensya. En 2009, la Assosyasyon (Itahdut Yotsei Turkiya) organizo una noche para honorarlo.
En el anyo 2004, el lokal de la Assosyasyon fue transferido a Tel Aviv, al Sentro yamado (Sentro de Kultura Erol Akmen) durante 5 anyos, asta el anyo 2009 para transferirse al lokal central de Bat Yam, en la kaye Rehov Mohrei Sigariyot, ke es aktivo oy mezmo.
En Bat Yam, un klub kultural funksiona komo sukursala de la Itahdut y tuvo aktividades sisyalas y sobretodo teatralas. En lingua tradisyonal de los Judios de Turkiya ke es es Judeo Espanyol o Ladino.
• En estos anyos, principalmente komo konsekuensya de las nuenas relasyones entre Turkiyay Israel, munchos hombres de estado importantes y delegasyones de Turkiya vijitaron Israel. La Asosyasyon de los Orijinarios de Turkiya estuvo aktiva en todas estas vijitas. En 3.de Enero 2005, Abdullah Gül komo Ministro del Exterior, y el 1 de Mayo 2005 el primer ministro Recep Tayyip Erdogan y el presidente de la Republika Turka Necdet Sezer el 7 Junio 2007 vijitaron ofisyalmente Israel. Además, el Ministro de Estado Kursad Tuzmen y el ministro de Salud, Recep Akdağ tambien vijitaron Israel.
• La Assosyasyon también resivyo al Gran Rabino de Turkiya el rabino Ishak Haleva, deputados Turkos, jurnalistas komo Ceyda Karan Oral Calislar, Yasemin Kongar, Leyla Tavşanoğlu periodistas eminentes ke arivaron en delegasyones, como La ekipa sportiva de los Judios de Turkiya a las Makabiadas, un grupo de 29 de medikos Turkos ansi ke un grupo de 80 jovenes de Turkiya.
La Asosiasyon de Turkanos intensifiko sus actividades kulturalas kon la grande kontribusyon de su Vice-prezidente Nesim Güveniş. En este periodo fue kreado un sıtıo web. ( Israel Benbasat fue asta oy su admınıstrador), el BÜLTEN kontinuo a apareser, fue publıkado un Dıksıonarıo Turko-Ebreo-Turko por Israel Benyakar y Yehuda Siliky. En el Museo de la Dıaspora fueron organızadas ekspozisyones sobre las Sınagogas de Turkiya, y en el Muzeo Haaretz la ekspozisyon sovre la linya de treno para Hidjaz. El grupo Dostluk de Istanbul prezento la komedıa ‘’Moiz en Miluyim’’. Kon la inisyativa de Sami Geron fue formado un equipo de futbol de mansevikos Turkanos olim hadaşim ke tuvo resultados impresionantes.
• Ka Sra. Zali de Toledo fue elijida el 19 de enero 2012 komo presıdenta de la Assosıasyon en lugar de Momo Uzsinay .Selim Salti kontinuó presidiendo el komıte de konsejeros (Moatsa). Despues de la kriza de la nave Mavi Mármara , asta ke se arıvo a un sierto kompromiso, durante 6 anyos las relasyones entre Turkiya y İsrael kedaron al mas başo nivel, kuaje ke no aviya vijitas ni nada de azer. Entonses la Asosıasyon se konsentro mas en la ımıgrasyon de Turkıya y aktividades kulturalas.
• Se organizaron noches de opera, konciertos y konferensyas. David Daor dyo un konsierto en el Auditorio de Bat Yam, y el grupo Erensy a sefaradi dyo un konsierto en el lokal de la Assoayasyon. Un eskritor famozo como A.B.Yehoshua fue invitado. En el Audıtorio Bat Yam tuvo lugar la reprezentasyon de la komedıa "¿Ke azes en kasa Moiz" . El famozo direktor de orquestra Cem Mansur fue honorado en la assosyasyon.
• En este período, la distribusyon de bekas (bursas) a los jóvenes kontinuo. Se organizaron kursos de hebreo. El ministro de Imigrasyón Sofá LANDVÉR ofresyo una Plaka de Apresyasyon a la Asosyasyon de los Orıjınayos de Turkiya devida a la asistencia ımportante a los imigrantes. El presidente de la Komisyon de la Aliya, Moiz Sustiel, resıvyo esta plaka honorante. Moız Sustiel es tanbıen el ke inisyo kursos de lingua Ebrea para los imigrantes de Turkiya, y ke konsento todos los ayudos para la ıntegrasyon de los imigrantes
Despues del defonto Sekretarıo de la Itahdu, Sr. Jak Abuaf, este posto esta en manos del Sr. Jak Aboresi ke kontinua a su funksıon asta oy.
•Despues de la ameliorasyon de las relasyones entre TTurkiya y Israel el 27 de Disiembre 2016, fueron resibidos wn wl lokal de la Assosyasyon respektivamente el Embasador de Turkiya en İsrael, Kemal Öke, y el Embasador de İsrael en Turkiya Eytan Naeh. El ministro de Turismo Nabi Avci tambien despues de un largo tiempo ızo su primera vijita a Israel komo ministro, y en el 8 de Febrero 2017 el fue honorado en el lokal de la Assosiasyon
Nota: Esta kurta historia fue dokumentada por Yakup Barokas kon el ayudo de las memoryas de Isak Misistrano, Moreno Margunato, Selim Amado y Nesim Güveniş